Arolygon Byw Llais Castell Nedd Port Talbot ac Abertawe

Arolwg Cleifion Meddygfa

Hoffai Rhanbarth Llais Castell Nedd, Port Talbot & Abertawe, wybod am eich profiadau o gael mynediad at ofal trwy eich Practis Meddyg Teulu.

Mae Llais yn gorff cenedlaethol, annibynnol, a sefydlwyd gan Lywodraeth Cymru i roi llais cryfach i bobl Cymru wrth gynllunio a darparu eu gwasanaethau iechyd a gofal cymdeithasol. Gall hyn fod yn unrhyw gymorth rydych eisoes yn ei dderbyn ac rydych eisiau gwneud sylwadau ar ansawdd y gwasanaethau hynny, neu gallai fod yn wasanaethau rydych yn teimlo eich bod eu hangen nad ydych wedi gallu cael mynediad iddynt.

Mae pob ymateb yn ddienw, a chaiff y canlyniadau eu defnyddio fel tystiolaeth i annog gwella'r gwasanaethau. Mae hyn yn golygu na fydd unrhyw un yn gwybod pwy sydd wedi cwblhau'r arolwg hwn a bod eich hunaniaeth wedi'i diogelu.

Os hoffech gael y cyhoeddiad hwn mewn fformat a/neu iaith arall, neu os hoffech siarad â rhywun am yr arolwg hwn, cysylltwch â ni ar 01639 683490 neu ymholiadau.cnptacabertawe@llaiscymru.org. 

Bydd y wybodaeth a roddwch yn cael ei chadw a’i defnyddio gennym ni yn unol â’n hysbysiad preifatrwydd – www.llaiscymru.org
 

Ar gyfer beth mae'r arolwg hwn?

Mae Llais yn cynrychioli llais pobl Cymru wrth lunio eu gwasanaethau Iechyd a Gofal Cymdeithasol. Yng Nghastell-nedd Port Talbot ac Abertawe, rydym am ddeall eich profiadau o ddefnyddio'r gwasanaethau hyn wrth fyw gyda dementia. Rydym yn ceisio clywed gan gymaint o bobl â phosibl dros y misoedd nesaf.

Sut fydd fy ngwybodaeth yn cael ei defnyddio?

Mae ein staff yn edrych ar yr hyn sy'n gweithio'n dda a'r pethau hynny nad ydynt yn gweithio'n dda o fewn iechyd a gofal cymdeithasol. Bydd Llais yn chwilio am themâu cyffredin ac yn trosglwyddo'r wybodaeth honno i'r rhai sy'n gwneud penderfyniadau ym maes Iechyd a Gofal Cymdeithasol ac yn gofyn iddynt am amser erbyn pryd y byddant yn dweud wrthym beth y maent yn bwriadu ei wneud ac a ydynt am gymryd unrhyw gamau. Byddwn hefyd yn rhannu ein canfyddiadau yn adroddiadau Llais.

A fyddaf yn clywed unrhyw beth yn ôl?

Unwaith y bydd Iechyd a Gofal Cymdeithasol yn ymateb i ni, byddwn yn eich diweddaru trwy ein gwefan a'n tudalen Facebook. Byddwn hefyd yn rhoi gwybod i staff yn y lleoedd y daethom i siarad â chi am y prosiect hwn, fel y gallant eich diweddaru chi hefyd.

Gallwn wneud gwahaniaeth gwirioneddol drwy weithio gyda'n gilydd. Rydym yn gwerthfawrogi eich amser, eich syniadau a'ch straeon.

Profiad gofalwyr yn ardal Castell-nedd Port Talbot ac Abertawe - 2024 

Mae LLAIS yma i gynrychioli pobl Cymru wrth lunio eu gwasanaethau iechyd a gofal cymdeithasol. Mae LLAIS yn gorff annibynnol, cenedlaethol, a sefydlwyd gan Lywodraeth Cymru i roi mwy o rym a dylanwad i bobl Cymru lunio eu gwasanaethau iechyd a gofal cymdeithasol. Rydym yn gweithio gyda chyrff iechyd a gofal cymdeithasol, llunwyr polisi ac eraill fel eu bod yn clywed eich llais ac yn defnyddio eich adborth i helpu i lunio gwasanaethau iechyd a gofal i ddiwallu anghenion pawb. 

Os ydych yn byw yng Nghastell-nedd Port Talbot neu Abertawe a'ch bod yn gofalu am anwylyd, hoffai LLAIS glywed eich barn.  

Ein nodau yw: 

Gwrando ar yr hyn yr hoffech ei ddweud wrthym am fod yn ofalwr.  

Ceisio deall beth sy'n gweithio'n dda a pha feysydd y gellid eu gwella. 

Defnyddio’r hyn a ddywedwch wrthym i weithio gydag eraill i wella’ch profiad.  

Mae yna wahanol ffyrdd y gallwch chi rannu eich profiad fel claf. Ewch i'n gwefan: https://www.llaiscymru.org/yn-eich-ardal/castell-nedd-port-talbot-ac-abertawe Mae cymryd rhan yn yr arolwg hwn yn wirfoddol. Efallai y byddwn yn defnyddio sylwadau ac adborth cleifion yn ein hadroddiadau terfynol; fodd bynnag, ni fyddwn yn nodi'r unigolion sy'n rhannu adborth. Mae'r hyn a ddywedwch wrthym yn gyfrinachol. 

This form is also available in English.