Cartref Gofal
Mae Llais yn gorff annibynnol a sefydlwyd gan Lywodraeth Cymru i roi llais cryfach i bobl Cymru yn eu gwasanaethau iechyd a gofal cymdeithasol.
Rydym yn cynrychioli eich barn ar iechyd a gofal cymdeithasol yng Nghymru gan sicrhau ein bod yn gwrando, gan weithio gyda chyrff y GIG, Awdurdodau Lleol Cymru, ac eraill i lunio a gwella gwasanaethau i bawb.
Rydym yma i helpu a darparu cyngor i unrhyw un sydd ag adborth ar iechyd a gofal cymdeithasol yng Nghymru ac i'ch cefnogi i wneud cwynion os aiff pethau o chwith.
Hoffai Llais glywed am y gofal rydych chi, aelod o'r teulu neu ffrind wedi'i dderbyn tra yn eich cartref gofal. Yn benodol, rydym am glywed am;
• y gofal a gewch;
• sut rydych chi'n teimlo eich bod yn cael eich trin; a’ch
• profiad cyffredinol o'r cartref gofal.
Drwy rannu eich profiad, byddwch yn ein helpu i ddeall:
• Beth sy'n gweithio'n dda
• Beth sydd ddim yn gweithio'n dda
Byddwn yn defnyddio'r hyn a ddywedwch wrthym er mwyn hysbysu'r rhai sy'n gwneud penderfyniadau fel bod eich barn yn cael effaith uniongyrchol ar ddyfodol Iechyd a Gofal Cymdeithasol.
Bydd pa mor hir y bydd yn ei gymryd i gwblhau'r arolwg hwn yn dibynnu ar faint rydych chi am ei ddweud wrthym.
Mae'r ymchwil hon yn ddienw, felly os byddwch yn cwblhau'r arolwg, ni fydd unrhyw un yn gwybod. Nid ydym yn cymryd unrhyw fanylion oddi wrthych a fyddai’n eich adnabod. Bydd angen i ni sicrhau, os ydych yn ateb yr arolwg ar ran rhywun arall, eu bod wedi rhoi eu caniatâd i chi wneud hynny.
Os oes angen cymorth arnoch i'ch helpu i lenwi'r ffurflen hon, cysylltwch â: nptandswansea.enquiries@llaiscymru.org neu dros y ffôn ar 01639 683490.
Mae'r ffurflen hon hefyd ar gael yn Gymraeg
Eisiau dweud mwy wrthym?
Os ydych am ddweud mwy wrthym neu os yw'n well gennych siarad â ni na chwblhau'r arolwg hwn, mae lle ar ddiwedd yr arolwg i adael manylion cyswllt os hoffech wneud hyn.
Bydd y wybodaeth a roddwch yn cael ei chadw a'i defnyddio gennym ni yn unol â'n hysbysiad preifatrwydd. Gweler tudalen olaf yr arolwg hwn am fwy o wybodaeth.