Adolygiad annibynnol o wasanaethau mamolaeth Bwrdd Iechyd Prifysgol Bae Abertawe

Mae Bwrdd Iechyd Prifysgol (BIP) Bae Abertawe wedi comisiynu adolygiad annibynnol o'i wasanaethau mamolaeth a newyddenedigol i wneud yn siŵr bod mamau a'u babanod yn derbyn ansawdd y gofal y maent yn ei haeddu.

Bydd yr adolygiad yn cael ei oruchwylio gan Banel Goruchwylio annibynnol.

Bydd y panel annibynnol yn goruchwylio'r adolygiad ac yn adrodd ar ei ganfyddiadau gan gynnwys ei argymhellion ar wella gwasanaethau i'r Bwrdd Iechyd.

Bydd pobl sydd wedi derbyn gofal mamolaeth gan wasanaethau mamolaeth a newyddenedigol Bwrdd Iechyd Prifysgol Bae Abertawe hefyd yn cael eu gwahodd i rannu eu barn fel rhan o’r adolygiad.

Hoffai Llais Castell-nedd Port Talbot ac Abertawe glywed eich barn am yr adolygiad arfaethedig. Mae'n bwysig bod teuluoedd yn hapus gyda'r cynlluniau hyn. Byddwn yn defnyddio y wybodaeth yma i sicrhau bod y Bwrdd Iechyd yn ymwybodol o eich adborth ac yn ei ystyried wrth gynllunio'r adolygiad.