Arolwg Cleifion Meddygfa

Hoffai Rhanbarth Llais Powys wybod am eich profiadau o gael mynediad at ofal trwy eich Practis Meddyg Teulu.

Mae Llais yn gorff cenedlaethol, annibynnol, a sefydlwyd gan Lywodraeth Cymru i roi llais cryfach i bobl Cymru wrth gynllunio a darparu eu gwasanaethau iechyd a gofal cymdeithasol. Gall hyn fod yn unrhyw gymorth rydych eisoes yn ei dderbyn ac rydych eisiau gwneud sylwadau ar ansawdd y gwasanaethau hynny, neu gallai fod yn wasanaethau rydych yn teimlo eich bod eu hangen nad ydych wedi gallu cael mynediad iddynt.

Mae pob ymateb yn ddienw, a chaiff y canlyniadau eu defnyddio fel tystiolaeth i annog gwella'r gwasanaethau.

Os hoffech gael y cyhoeddiad hwn mewn fformat a/neu iaith arall, neu os hoffech siarad â rhywun am yr arolwg hwn, cysylltwch â ni ar 01686 627632.

Bydd y wybodaeth a roddwch yn cael ei chadw a’i defnyddio gennym ni yn unol â’n hysbysiad preifatrwydd – www.llaiscymru.org. Byddem yn eich annog i ddarllen yr Hysbysiad Preifatrwydd, ochr yn ochr â’r wybodaeth sydd yn yr arolwg hwn, cyn i chi ddychwelyd eich adborth atom.